தேவதை

நீ குழந்தைகளோடுதான்
விளையாடுகிறாய்
ஆனால் அவர்களுக்கோ
தேவதையுடன்  
விளையாடுவது போல
ஓர் உணர்வு   ...

காதல்...களவாடுகிறது...

நீ தெரிந்து 

அணைப்பதை விட 

எனக்கு தெரியாமல் 

கொடுக்கும் முத்தங்களில் தான் 

உன் காதல் 

எனதுயிரை மிகுதியாய் 

களவாடுகிறது...

வாசலின் கதவுகள்

இலக்கினை நோக்கிய 

பயணத்தில் வெற்றியின் 

கதவுகள் திறக்கையில் 

அதன் காத்திருப்புகள் 

மகிழ்சியாய் வழியனுப்பும் 

முற்றுப்பெறாத சாதனைகள் 

தொடரட்டுமென்று ...

 

நான் என்பது நீ ...

நான் விரும்பினாலும் 

வெறுத்தாலும் 

தொடர்ந்தாலும்

விலகினாலும் 

மாறாதது 

உன் அன்பு மட்டுமே ...

பொய் கோபங்களிலும் 

மனவேறுபாடுகளிலும்

என் மனம் நிரம்பும் பொழுதும் 

எனது நிழலாய் தொடர்வது 

நீ மட்டுமே ...

தேன் தமிழ்

எறும்புகள் 
அணிவகுத்து   
செல்கின்றன ....
வெள்ளைத் தாளில்
உனது பெயர் !

செல்லமாய் அடம் பிடிக்கும் ...

நீ வேற்று கிரகத்தில் 
வசிப்பாயேயானால் 
பூமி கோளம் 
சிறு பந்தாகி 
உன் கையில்
விளையாட 
செல்லமாய் 
அடம் பிடிக்கும் ...

தேசிய பூக்கள் தினம் ...

தேசிய பூக்கள் தினம் 

கொண்டாட பூக்களிடம் 

ஆலோசனை கேட்டபோது 

அனைத்து பூக்களும் 

ஒன்று கூடி ஒருமனதாய் 

உன் பிறந்தநாளை 

தேர்ந்தெடுத்தன