Sep 5, 2016

குறும்புகளை தேடுகின்றேன்
 
உன்னிடம்
உவகைமிகு வசைகள்
வாங்கவே...
குறும்புகளை
கூகுளில் தேடுகின்றேன் !!!

May 15, 2016


ஒரு வரம் வேணுமடி ..



உன்னிடம் தோற்பதற்கும் 
ஒரு வரம் வேணுமடி ...
நீயின்றி வாழும் 
ஒரு கணம் ...

என் இதயம் 
இலக்கணத்தை பிரிந்த
தமிழ்மொழியாய் தவிக்கிறது ...


உன்னுள் சரணடைந்தேன் 



தவமிருந்து
உன்னை சரணடைந்தேன்
உன்னுள் கருவாய் ...

சொல்லொணாத் துயரத்திலும் 
வேதனைமிகு சூழலிலும்
ஈரைந்து மாதங்கள்
பனிக்குடத்திலும் இதயத்திலும்
கருவாய் எனை சுமந்து
மறுபிறவி கண்டு !!!
இருவரும் சந்தித்தோம் ...

உனக்கெனவே நான் ...
வரும் காலங்களில்
உன் கண்களில் இனி
உவகைக்கண்ணீர் மட்டுமே
வேறொன்றும் யான் வேண்டேன்
உன்னிடம் ..."

Apr 24, 2016

என்றென்றும் 


வார்த்தைகளும் 
வர்ணனைகளும் 
பனித்துளிகளாய் 
கொட்டிக்கிடக்கின்றன ....
உன்னை வர்ணிக்க ... 

உவமை உருவகங்களுக்கு 
அகப்படாத  உனை 
என் தமிழோடு ஒப்பிட்டால் 
அதில் சிறப்பு ழகரமாய் 
நீ இருப்பாய்... என்றென்றும் 

Mar 27, 2016

காற்றாக....நினைவுகள் மட்டுமே ...




உன் வாசமும் 
உன் சுவாசமும் 
என் நினைவினை விட்டு பிரியும் 
மறுநொடி...

நான் மீண்டும் எங்கோ பிறந்திருப்பேன்
உனை இப்பிறவியிலேனும்
எனதுயிர் என்று சொல்வதற்கு...
அதுவரை !!!

என் இதய தசைகளில்
வீசிக்கொண்டிருக்கும்
மெல்லிய காற்றாக
உன் நினைவுகள் மட்டுமே ...

Mar 11, 2014

வாழ்தல் எனக்கு வன்மையாக பிடித்திருகின்றது









எப்பொழுதும் என்னிடத்தில் 
உன்னை நிரம்பச்செய்வது 
உன்னுள்  கரைந்துள்ள 
மழலை மொழிதலும் 
மென்(பெண்)மை குறும்புத்தனமும்  

வாசல்படி தாண்டி 
மீண்டும் உள்நுழையும் 
வாழ்கை இடைவெளிகளில் 
உவகை  களிப்பு  வெறுப்பு 
ஏமாற்றம்  கோபம் உடுத்தி  
அந்நாளை அசைபோடும் 
தருணங்களில் 

நிகழ்காலம் மறந்து 
நித்திரை கொள்ள முயலும் போது 
செவிகளில் உன் மொழிதலும் 
இமை மூடிய விழிகளில் 
நம் காட்சிகளும் எனக்குள் 
வியாபிக்கின்றன ..

நொடிகளில் துவங்கி 
நேரங்களை தின்று கொண்டே 
உயிர்பெறும் அந்த நினைவுகளும் 
நீயும் உள்ளவரை 

வாழ்தல் எனக்கு 
வன்மையாக பிடித்திருகின்றது



Mar 5, 2014

வேறொன்றும் யான் வேண்டேன் ...





காரணங்கள் 
யாது நீ மொழிந்தாலும் 

மனதோ 
தனிமை எனும் நூல் கொண்டு 
சுழற்றப்பட்ட பம்பரம்  போல 
நம் நினைவுகளை 
தின்று கொண்டே 
சுற்றுகிறது 

அது சுழிப்புள்ளியில் ஓயும் முன் 
உன் மதிமுகம் காட்டிவிடு  
வேறொன்றும் யான் வேண்டேன் 
எனதுயிர் தொலைந்து போகும் உன்னிடம்