குறும்புகளை தேடுகின்றேன்

 

உன்னிடம்

உவகைமிகு வசைகள்

வாங்கவே...

குறும்புகளை

கூகுளில் தேடுகின்றேன் !!!

ஒரு வரம் வேணுமடி ..

உன்னிடம் தோற்பதற்கும் 

ஒரு வரம் வேணுமடி ...

நீயின்றி வாழும் 

ஒரு கணம் ...

என் இதயம் 

இலக்கணத்தை பிரிந்த

தமிழ்மொழியாய் தவிக்கிறது ...

உன்னுள் சரணடைந்தேன் 

தவமிருந்து
உன்னை சரணடைந்தேன்
உன்னுள் கருவாய் ...

சொல்லொணாத் துயரத்திலும் 
வேதனைமிகு சூழலிலும்
ஈரைந்து மாதங்கள்
பனிக்குடத்திலும் இதயத்திலும்
கருவாய் எனை சுமந்து
மறுபிறவி கண்டு !!!
இருவரும் சந்தித்தோம் ...

உனக்கெனவே நான் ...
வரும் காலங்களில்
உன் கண்களில் இனி
உவகைக்கண்ணீர் மட்டுமே
வேறொன்றும் யான் வேண்டேன்
உன்னிடம் ..."

என்றென்றும் 

வார்த்தைகளும் 

வர்ணனைகளும் 

பனித்துளிகளாய் 

கொட்டிக்கிடக்கின்றன ....

உன்னை வர்ணிக்க ... 

உவமை உருவகங்களுக்கு 

அகப்படாத  உனை 

என் தமிழோடு ஒப்பிட்டால் 

அதில் சிறப்பு ழகரமாய் 

நீ இருப்பாய்... என்றென்றும் 

காற்றாக....நினைவுகள் மட்டுமே ...

உன் வாசமும் 
உன் சுவாசமும் 
என் நினைவினை விட்டு பிரியும் 
மறுநொடி...

நான் மீண்டும் எங்கோ பிறந்திருப்பேன்
உனை இப்பிறவியிலேனும்
எனதுயிர் என்று சொல்வதற்கு...
அதுவரை !!!

என் இதய தசைகளில்
வீசிக்கொண்டிருக்கும்
மெல்லிய காற்றாக
உன் நினைவுகள் மட்டுமே ...