வந்தார்கள் பார்த்தார்கள் சென்றார்கள் ...

வசைகளுடன் கூடிய
அரைநாள் விடுப்பு
அடகு கடையில் மீட்டுவந்த நகை
பச்சைப்பட்டு...பருக்கள் மறைக்க
சிறிதாய் முகப்பூச்சு ...

தினசரி நாள்காட்டியில் அவள்
ராசிக்கு நேரே முயற்சி !

சம்பரதாய சடங்குகளுக்காக
கையில் தேனீர் கோப்பை
வாழைக்காய் பலகாரம்
செயற்கை வெட்கம்
சங்கடத்துடன் அவள் ...

வந்தார்கள் பார்த்தார்கள்
சென்றார்கள் ...

மௌனம் உடுத்திய சூழல்
மெதுவாய் உடைகிறது
அவளின் பொய் புன்னகையில்
இவையனைத்தும்
கடிதத்தில் தெரிவிக்கின்றோம்
என்ற பதிலுக்காக ...