பெண்வாசம்

காற்றில் அசைந்தாடும்
கொடியும் மௌனம் மீட்டுகிறது
உன் துப்பட்டா
அதன் மேல் விழுந்ததால் ...
பெண்வாசம் சுவாசிக்க ...

நீ பிரசவத்திற்காக
உன் அம்மா வீட்டில் ...

உன்னுடன் நான் தினமும்
குளிக்கிறேன் !

குளியலறை சுவற்றில் நீ ஒட்டிய
உன் நெற்றிப் பொட்டுடன் ...

நித்திரையற்ற கனவுகளும்
நிஜமற்ற நினைவுகளும்
பொய் கூறா கவிதைகளும்
ஊடல்லற்ற காதலும்
இனிப்பற்ற சர்க்கரையும் போல்
நீயற்ற நம் வீடு ....